சிந்து பாடலாமா கூடாதா?

இந்திய உச்ச நீதி மன்றத்தில் ஒரு பொது நல வழக்கு நேற்று வரை நிலுவையிலிருந்து நேற்றுத்தான் தீர்ப்புச் சொல்லியிருக்கிறார்கள்.

இந்த வழக்கு இந்திய தேசிய கீதத்திலுள்ள வார்த்தைகள் பற்றியது.

இந்த வழக்கைத் தொடர்ந்தவர், சிந்து மாகாணம் பாகிஸ்தானைச் சேர்ந்து விட்ட பிறகு அதன் பெயரை "பஞ்சாப சிந்து குஜராத்த மராத்தா" என்று இந்திய தேசிய கீதத்தில் இசைப்பது முறையல்ல என்று வாதாடினார். சிந்து என்ற சொல் தேசிய கீதத்தில் இருந்து நீக்கப் பட வேண்டும் என்பது இவரது கோரிக்கை மற்றும் வழக்கின் நோக்கம்.

இந்திய அரசு "சிந்து" என்ற சொல் தேசிய கீதத்தில் ஒரு இடத்தைக் குறிக்கும் சொல்லாக அமைக்கப்படவில்லை அது ஒரு கலாச்சாரத்தை அல்லது நாகரிகத்தைக் குறிக்கிறது என்று சுட்டிக் காட்டி வாதாடியது.

நேற்று நாட்டின் இந்த வெகு முக்கியப் பிரச்சினையில், வழக்கை தள்ளுபடி செய்து தீர்ப்பளித்து விட்டார்கள்.