இந்தியாவின் நம்பிக்கை நட்சத்திரம்

டென்னிஸ் வீராங்கனை - சானியா மிர்ஸா

ஹைதராபாத் இந்தியாவிற்கு அளித்திருக்கும் இந்தச் சிறந்த முத்து, விளையாட்டில் சாதனை படைத்திருக்கிறார்.

உலகிலேயே சிறந்த டென்னிஸ் வீராங்கனை செரினாவிடம் விளையாடும் அளவுக்குத் தகுதி பெற்ற இவரிடம் செரினா "உன்னுடன் விளையாடியதில் எனக்கு மிக்க மகிழ்ச்சி" என்று பாராட்டியது குறிப்பிடத் தக்கது.

பதினெட்டு வயதேயான சானியாவிற்குத் பலமான எதிராளியைச் சந்திக்கும் போதும் தன் தன்னம்பிக்கையைப் பெருக்கிக் கொண்டு நிதானமாக எதிர்த்து விளையாடும் திறனுடன், சாமர்த்தியமும் சேர்ந்திருப்பதைக் கண் கூடாகக் காணமுடிகிறது.

இப்போது ஹைதராபாத் போட்டிகளில் அவர் பெரும் வெற்றி பெற்றிருப்பது, நமக்கெல்லாம் பெருமை அளிக்கிறது. அவர் மேலும் தன் திறமையை வளர்த்துக் கொண்டு, உலக அளவில் பல வெற்றிகள் பெற நம் வாழ்த்துக்கள்.

இதைப் பார்க்கும் தமிழ்ப் பெண்கள் அம்மா, பாட்டியுடன் தொலைக்காட்சியில் மெட்டி ஒலி போன்ற மெகா தொடர்கள் பார்த்துப் பொழுதைக் கழிக்காமல், இது போன்ற சாதனைகள் புரியப் புறப்பட வேண்டும். மறத்தமிழ்ப் பெண் புலியை முறத்தால் அடித்துத் துரத்திச் சாதனை புரிந்தவள் என்பதை நாம் மறக்கலாமா?